Golden State tan Curry bawk

Stephen Curry-a'n season duhawm a hman a chhawm nung zel. Nimin zing NBA regular inkhelah Curry hian point 31 neiin Golden State chu Orlando Magic lakah 126-95 in hnehna a chanpui.

American point guard Curry hian 3-points neih tuma vawi 13 a vawm zingah pasarih a hlawhtling leh a, a kut a kal tawh laklawh chuan eng team tan mah dan theih a ni ṭhin lo.

Season hmasa khan Curry a khel ṭha tawk lo a, hliam a tuar bawk. Kuminah erawh a khelh ṭhat miau avangin a team pawh an sang. GSW hi vawi 20 an chak tawh a, ṭum li chak loh nei ve bawk mah se Western Conference hmahruaitu an ni.

Inkhel dangah Philadelphia 76ers chuan Charlotte Hornets lakah 127-124 in hnehna an chang hram a, an chak theih nan Joel Embiid-a'n point 43 a neih bakah rebound vawi 15 la bawkin a thawh hlawk hle.

NBA Results
Philadelphia 76ers 127 - 124 Charlotte Hornets
Denver Nuggets 97 - 109 Chicago Bulls
Orlando Magic 95 - 126 Golden State Warriors
Oklahoma City Thunder 114 - 103 Detroit Pistons
Cleveland Cavaliers 104 - 112 Milwaukee Bucks
Los Angeles Clippers 102 - 90 Portland Trail Blazers
Washington Wizards 110 - 116 Indiana Pacers
Memphis Grizzlies 105 - 90 Miami Heat
Atlanta Hawks 121 - 110 Minnesota Timberwolves
San Antonio Spurs 104 - 108 Phoenix Suns