Serbia squad-ah Djokovic

January thlaah ATP Cup khelh tur a ni a, inelna hi Australia rama neih tur a ni. Serbia chuan hrileng laka invenna vaccine a la duh rih lo tih hre reng chungin world number 1 Novak Djokovic chu an ram squad-ah an telh.

Kum 34 mi Djokovic hian tun thlengin vaccine a la duh lo. Australia ram state tam zawkah hian ram dang mi tan vaccine la lo chuan zin luh phal a ni lo a, tournament khelh tur pawh ngaihhnathiamna a awm chuang lo.

Australian Open khelhna tur Victoria state sorkar chuan Grand Slam khel turin vaccine lak ngei a ngaih thu an sawi tawh a, champion lai Djokovic hi inlan lo thei dinhmunah a ding mek.

ATP Cup khelhna tur erawh Sydney-ah a ni thung. An state-ah hian vaccine la lo chu ni 14 chhung khung hran hmasak an ngai thung - a lan dan chuan Djokovic tan Australia ram hi zin theih loh tluk a ni.

Serbia hi Group A-ah Norway, Chile leh Spain te nen an awmkhawm, inelna hi January 1-9 chhunga khelh tur niin season bul ṭanna zinga mi a ni ang.