Villarreal nge tling dawn Atalanta?

Champions League group match hnuhnung berah zanin dar 1:30 hian Atleti Azzurri d'Italia-ah Atalanta-in Villarreal an mikhual dawn. Italian club tan last 16 lut turin chak ngei a ṭul a, Yellow Submarine tan erawh draw a tawk thung.

Manchester United erawhin Michael Carrick-a hoa Villarreal an luhchhuah avangin group hmahruaitu an ni chiang tawh a, zanin dar 1:30-a Young Boys an mikhual hunah manager thar Ralf Rangnick-a'n player enchhin nan a hmang thei ang.

Kartawpa Crystal Palace an hneh ṭumin bench aṭangin rawlthar Anthony Elanga a lut a, Mason Greenwood pawhin Covid-19 a vei hnuah a inkhel leh tawh. Nemanja Matic leh Aaron Wan-Bissaka te bench-ah an awm leh tawh a, chutihrualin Jesse Lingard leh Anthony Martial te Eagles an hmachhawn ṭumin squad-ah an awm lo.