Mbappe leh Record, Messi leh Goal
Paris St-Germain-in Champions League group A match hnuhnung berah Club Brugge 4-1 in an sawp a, Kylian Mbappe leh Lionel Messi ten goal hnih ve ve an khung. French club hian inkhelh hmain knockout stage an lut tawh a, Manchester City an lehthal theih tawh loh avangin inkhel result hian last 16 an luh danah nghawng a nei lo.
Mbappe-a'n Europe-a club inelna sang berah goal 31 a khung a, kum 22 leh ni 352 mi niin goal 30 khung thei naupang ber a ni. French forward hian a teammate Messi-a record, kum 23 leh ni 131 mi nia siam chu a khum.
Mi bik Mbappe
PSG-in khawvela player man to ber ni turin Neymar an lalut a, Brazilian forward hi Messi vangin Barcelona-ah a ropui tur angin a ropui tawk loah ngaih a ni. Amaherawhchu Brazilian forward hian French club-ah hming a chher tawk lo - a chhan chu Mbappe awm vang a ni.
Neymar leh Mbappe ten PSG an zawm rual season hmasa berah Brazilian forward hian goal a khung tam zawk a, a hnu lamah French forward hian goal a khung tam zawk vek. Paris a pan hian Mbappe hi kum 18 mi lek a ni a, goal 120 khung tawhin Neymar aiin goal 30-in a khung tam zawk!
Brazilian forward hliah khuhtu Messi-a'n PSG a zawm a, season tawpah Mbappe nge khung tam zawk Argentina captain tih a hriat ang. Tun dinhmunah chuan Mbappe-a'n goal a khung tam zawk a, French forward hian tun season-ah goal kua khung tawhin Messi-a'n goal ruk a khung.
Hei le, Messi
Parc des Princes-ah Mbappe-a'n minute sarih chhungin goal hnih a khung a, Messi a inrawlh lo. Ballon d'Or semna a la rei loh avangin Argentine forward chungah football ngainatute mit a fu.
Minute 38-naah uar taka an sawi ṭhin Messi a rawn inlar a, PSG kawr a hak hnuah pawh Barcelona-a a thiam thil kha a la theihnghilh lo. Messi hian Mbappe aṭanga a ball hmuh chu la pheiin a tih ṭhin dan pangngaiin box pawn aṭangin a ke vei lamin a pet goal a, Argentine forward tih awm renga mawi a ni.
Second half-ah Messi-a'n rilru fim takin box chhungah ball a khawih a, Club Brugge defender-te erawh an talbuai avangin penalty an chawi. Messi hian penalty hi petin goal kilah a pet a, keeper Simon Mignolet a che lo. Argentine forward hian UCL-ah hian club 38 lakah goal a khung tawh a ni a, club chi hrang laka goal khung tam ber a ni.
Record siamtu Mbappe chuan, "Messi bula khelh a awlsam a, khawvel player ṭha ber a ni. Hmanni lawka Ballon d"Or dawngtu kha a ni a, goal hnih a khung a, kan hmalam hunah pawh club tan a ṭangkai zel ka ring," tiin a sawi. Mbappe hi Messi elpui Cristiano Ronaldo ngaisangtu a nih avangin a thusawi hian sawi zui a hlawh.
UCL - December 7, Thawhlehni
Group A
PSG 4 - 1 Club Brugge
PSG : Kylian Mbappe 2', 7'; Lionel Messi 38', 76' (P)
BRU : Mats Rits 68'
RB Leipzig 2 - 1 Manchester City
RBL : Dominik Szoboszlai 24'; Andre Silva 71'
MNC : Riyad Mahrez 76'
# Team Pld W D L GF GA GD Pts
1 Manchester City 6 4 0 2 18 10 8 12
2 PSG 6 3 2 1 13 8 5 11
3 RB Leipzig 6 2 1 3 15 14 1 7
4 Club Brugge 6 1 1 4 6 20 -14 4
GROUP B
AC Milan 1 - 2 Liverpool
ACM : Fikayo Tomori 28'
LFC : Mohamed Salah 36'; Divock Origi 55'
Porto 1 - 3 Atletico Madrid
POR : Sergio Oliveira 90+6'
ATM : Antoine Griezmann 56'; Angel Correa 90'; Rodrigo De Paul 90+2'
# Team Pld W D L GF GA GD Pts
1 Liverpool 6 6 0 0 17 6 11 18
2 Atletico Madrid 6 2 1 3 7 8 -1 7
3 Porto 6 1 2 3 4 11 -7 5
4 AC Milan 6 1 1 4 6 9 -3 4
GROUP C
Borussia Dortmund 5 - 0 Besiktas
BOR : Donyell Malen 29'; Marco Reus 45+2' (P), 53'; Erling Haaland 68', 81'
Ajax 4 - 2 Sporting Lisbon
AJA : Sebastien Haller 8' (P); Antony 42'; David Neres 58'; Steven Berghuis 62'
SPO : Nuno Santos 22'; Bruno Tabata 78'
# Team Pld W D L GF GA GD Pts
1 Ajax 6 6 0 0 20 5 15 18
2 Sporting Lisbon 6 3 0 3 14 12 2 9
3 Borussia Dortmund 6 3 0 3 10 11 -1 9
4 Besiktas 6 0 0 6 3 19 -16 0
GROUP D
Real Madrid 2 - 0 Inter Milan
RMA : Toni Kroos 17'; Marco Asensio 79'
Shakhtar Donetsk 1 - 1 Sheriff
SHA : Fernando 42'
SHE : Boban Nikolov 90+3'
# Team Pld W D L GF GA GD Pts
1 Real Madrid 6 5 0 1 14 3 11 15
2 Inter Milan 6 3 1 2 8 5 3 10
3 Sheriff 6 2 1 3 7 11 -4 7
4 Shakhtar Donetsk 6 0 2 4 2 12 -10 2