Walker-a'n inzir a mamawh - Pep

Manchester City-in Champions League group A match hnuhnung berah RB Leipzig 2-1 in an hneh lo a, an group-ah pakhatna ni tho mah se defender Kyle Walker-a'n red card a hmu.

Walker hian minute 82-naa red card a hmuh avangin last 16 first leg a khel thei dawn lo. Pep Guardiola chuan, "Kyle Walker hi kan player pawimawh a ni a, ṭul loah red card a hmu. A tihsual aṭang hian a inzir ka beisei a, a red card hmuh avangin last 16 a harsat phah ang," tiin a sawi a, Walker chu red card hmuh phua a chet thu a sawi bawk.

Bundesliga club RB Leipzig hian kartawp khan an manager Jesse Marsch an ban a, manager lailawk Achim Beierlorzer hnuaiah hnehna an chang. Red Bull Arena-a inkhelah mualneituin Dominik Szoboszlai leh Andre Silva te hmangin an khung hmasa a, Man City-in minute 76-naah Riyad Mahrez hmanga siphurh sut ṭhenin 2-1 in inkhel a tawp.