James hoin Lakers an chak

Los Angeles Lakers hian ke an chhep fuh hleithei lo a, tluk leh din fawmin NBA regular season an hmang mek. Nimin zinga an match khelhah erawh LeBron James hoin Lakers hian Boston Celtics chu 117-102 in an hneh.

Lakers hi kuminah vawi 12 ngawt an tlawm tawh, nimina Celtics an hmachhawn hma hian an tlawm leh an chak a inzat chiah; player ṭha kawltu tan chuan an record hi a ṭha lo hle, tunah erawh an chat zat chu a kang ta hret.

A tirah LeBron James, Anthony Davis, Russell Westbrook, Avery Bradley leh Talen Horton-Tucker ten bul an ṭan nghal ṭhap. Mahse, quarter hmasa berah hian Celtics hi point hnihin a sang zawk.

Quarter thumna leh palinaah erawh Lakers an chungnung zawk a, inkhel inhnehtawk takah a vannei zawk an ni. Lakers tana point nei hnem ber James-a'n minute 36 chhungin point 30 a nei a, assist vawi nga a nei bawk a ni.

NBA Results
Los Angeles Lakers 117 - 102 Boston Celtics
San Antonio Spurs 109 - 121 New York Knicks
Dallas Mavericks 99 - 102 Brooklyn Nets