Barcelona-in sum lalut hnem

Spanish champion Barcelona chuan season hman zawh takah khan an club chanchina sum an lakluh hnem ber ṭum an tawng a, euro maktaduai 914 an lalut.

Barcelona hian season hmasa ṭan dawn khan khawvela player manto ber ni turin Neymar chu Paris St Germain hnenah pound maktaduai 200.6-in an hralh a, pound maktaduai 135.5 man Ousmane Dembele leh pound maktaduai 142 man Philippe Coutinho an lei ve leh thung.

Mahse, Barca hian Dembele manah pound maktaduai 96.8 leh Coutinho manah 106.4 chiah an la pe a, a bak zawng hi chu an khelh ṭhat dan a zira pek belh leh tur an ni hlawm.

Barcelona hian an chhiah chawi tur leh thil danga pawisa an pek chhuah hmain euro maktaduai 32 an hlep a, chhiah pek hnua an hlep erawh euro maktaduai 13 a ni thung.

Catalan club chuan thuchhuah siamin, "Heti zat sum kan lalut thei hi Barcelona chu kan lawm takzet a, kum 2021-ah chuan euro tluklehdingawn khat lakluh tumin kan inbuatsaih a ni," tiin an sawi.