Japan-ah Iniesta a lut ta

Japanese club Vissel Kobe tana khel tur Andres Iniesta chuan nimin khan Japan a thleng a, Kansai airport-ah fans engemawzatin Barcelona legend hi an lo hmuak a ni.

Kum 34 mi midfielder chuan, "Zinkawng thui tak a ni a, mahse Japan rawn thlen hlan hi ka nghakhlel em em a ni. Vissel-a ka ṭhian thar turte nena inkhelh ka chak tawh hle," tiin a sawi.

Barcelona tih loh club dang tana la khel ngai lo Iniesta hian Japanese club-ah hian kum thum cham turin contract a ziak a, kum khatah pound maktaduai 23 bawr vel a hlawh dawn a ni.