Arsenal leh Auba an inbe mek

Pierre-Emerick Aubameyang chuan a contrat pawtsei turin Arsenal nen an inbiak mek thu a sawi a, football a khelh hun chhunga thutlukna a siam tur zinga paiwmawh ber a nih thu a 

sawi bawk.

Gabon international hian season khat daih bak chu Gunners tan contract a nei tawh lo. Premier League top scorer hi Barcelona nen sawi zawm a ni a, tun hnaiah Inter Milan chuan lak an duh tih thawm a awm tel leh bawk a ni.

Auba hi kum 30 mi a ni tawh a, a khelh mekah Arsenal hian nomawi lian tham chawi tura an intuaihriam a nih loh chuan atan awm reng kha a fuh lo thei a, a kum atam deuh tawh avangin club danga chhuah pawh zuihral theihna a ni ve tho.

Auba chuan, “Contract min zawrh ngei a, thu chiang la awm lo mah se tun hnai chhungin indawrna chu a awm ngei. A nihna takah chuan club lam hi thil ti theitu an ni, ka duh leh beisei chu an hria. Eng nge rawn thleng dawn chu kan hria ang chu.

“A nihna takah chuan ka nuna thutlukna ka siam tur zingah chuan a pawimawh bera sawi ngam a ni, tunah hian tu tawp ka la siam lo a, club lam pawhin a la siam lo,” tiin a sawi.

Saint-Etienne leh Borussia Dortmund tana a khelh laiin Aubameyang hian nomawi a lo chawi tawh ṭhin a, beiseina sang tak nena a pan Gunners erawh hlawhtlinna a la chan pui lo - season kal laiah FA Cup chauh beisei an nei tawh.

Auba chuan, “Arsenal-ah a ni emaw, club dangah emaw pawh ni se tu pawhin nomawi chawi chu an chak ang. Player ten kan inkhelh chhan chun khelmuala hmingṭhat leh nomawi chawi a ni a, nakina inkhelh kan chawlhsan hnua kan chanchin an sawi tur pawh a ni.

“Ka hma hun sawi chiang thei lo mah ila, nomawi chawi chakin ka tuhal hle tih erawh chu ka sawi chiang thei thung,” a ti. Mikel Arteta enkawl team hian nomawi chawi thei khawpa indin an tum lo a nih chuan tun hma angin an captain hi chan mai thei dinhmunah an ding.