NBA player endik uluk dawn

Basketball inelna sang NBA chu khelh chhunzawm leh ngei an la tum a, player zawng zawng bakah team enkawltute chu ni khat danah Covid-19 an kai em tih endik an ni ṭhin dawn - endikna hi June 23 aṭanga neih ṭan tur a ni.

March thlatir khan NBA hi hri leng vangin chawlh lailawk a ni a, North America-a infiamna lian zingah chuan hri leng vanga chawlh hmasak ber a ni hial. Tunah chuan July thla tawp aṭanga khelh chhunzawm leh an tum mek.

NBA hi an khel chhunzawm leh a nih pawhin a kalphung a danglam tawh dawn. Inelna zawng zawng chu Walt Disney World, Florida-ah khelh vek a ni dawn a, playoff khel tura tling tawh leh beisei la nei thei team 22 chauh an inkhel tawh ang.

US media lamin an tarlan dan chuan, NBA khel chhunzawm tur awmna club khuaah chuan coronavirus an kai leh kai loh endikna hi a thlawna kalpui tur a ni bawk - a duh a piang chuan man chawi loin an dinhmun an test tir thei dawn tihna a ni.