Champion lai Sai Praneeth a tla

Badminton Singapore Open khelh mekah mipa singles champion lai Sai Praneeth chuan Nilaini khan a match hmasa ber a khel a, Japanese shuttler Yu Igarashi lakah a chak lo nghal.

Indian shuttler Praneeth hi seeded parukna pek a ni a, beiseina sang tak nen title humhim tum mah se dar­kar khat leh minute 11 an inkhelh hnuah 21-16, 16-21, 18-21 in a chak lo zawkah a ṭang.

Inkhel dangah Subhan­kar Dey leh Ruth­vika Shi­­vani Gadde te bakah national champion lo ni tawh Rituparna Das te chuan second round an inhlangkai thung.

Subhankar chuan Jason Anthony Ho-Shue 14-21, 21-14, 21-16 in a hneh a, Ruthvika pawhin Linda Zetchiri lakah 21-15, 17-21, 21-16 in hnehna a chang, second round lut turin Rituparna a vannei. A khingpui Sabrina Jaquet chu set hmasa ber 3-5 chauh an khelh laiin hliam vangin a inhnukdawk.