Hmalam panin Celtic an kal

Celtic chuan Armenian club Alashkert lakah 3-0 in hnehna an chang leh a, inkhel hmasa nen belhkhawmin 6-0 ngawt a an chak avangin Champions League second qualifying round an inhlangkai.

Nilaini zan Celtic Park-a inkhelah Celtic tan Moussa Dembele-a'n minute sarihna lekah goal hmahruai a khung a, goal a luh aṭanga minute li hnuah Jozo Simunovic chu hnawhchhuah a ni.

Player khatin kim lo mah se Brendan Rodgers-a naute an buai lo a, Dembele chuan minute 19-naah penalty aṭanga an goal hnihna khung lehin, chawlhlawk hma bawkin James Forrest-a'n an chak nemngheh nan an goal thumna a khung bawk. Armenian champion lamin minute 180 an inkhelh chhungin Celtic goal-ah an khung ve thei lo.

Hnehna chang mah se Celtic tan group stage khel tur chuan kawng a la thui dawn. Group stage thleng tur chuan second leh third qualifying round bakah playoff an paltlang leh phawt a la ngai dawn.