Vawiinah Inter District basketball final

Mizoram Basketball Association Inter District Tournament 2021 final chu vawiin tlai dar 3:00 hian Aizawl club pahnih BC Bethlehem leh LB Associates ten Lungleiah an khel dawn. Nomawi inchuhna hi Zonet Rihnim leh Lunglei Zonet (YouTube) ah a en theih ang.

Nimin khan semifinal khelh a ni a, inkhel hmasa zawkah BC Bethlehem-in inelna thlengtu Lunglei club Net Ripperz chu 67-52 in an hneh. First quarter-ah team pahnih hian point 15 ve ve hmu mah se quarter hnuhnung pathum dangah Aizawl club an chungnung.

LB Associates leh Ramhlun Sporting Club te an inkhel tawk. Halftime-ah 33-31 in RSC chungnung zawk mah se hun tawpah LB Associates 75 - 63 in an chak.

Semifinal - Nimin Inkhel Results
BC Bethlehem 67 - 52 Net Ripperz
LB Associates 75 - 63 Ramhlun Sporting Club

Final - December 10, Zirtawpni
BC Bethlehem 3:00 PM LB Associates