Jeremy leh Chhani feh chhuak

IWF World Senior leh Commonwealth Senior Weightlifting Championships neih laiah, Mizo pahnih Jeremy Lalrinnunga leh Lalchhanhimi te chu India aiawha feh chhuak zingah an tel.

Jeremy-a hi 67kg huangah a inlan dawn a, vawiinah inelna a hmachawn ang. Chhani hi 71kg huanga inlan tur niin December 13, Thawhṭanniah a inlan thung dawn a ni.

Inelna hi 2022 Commonwealth Games a inlan tur thlanna a ni nghal dawn. Birmingham khawpuia inelna lian hmachhawn tur chuan tun ṭumah hian result neih ṭhat a pawimawh dawn hle.

Jeremy-a hi group B-ah awmin, mi 11 an inel dawn. Snatch leh clean and Jerk total hi Commonwealth-ah an ring nghal dawn a, a chawi sual loh chuan silver emaw bronze medal emaw chin tal chu a dawn theih a beiseiawm.

Chhani pawh hmeichhe inelna group B-ah awmin, midang 10 nen bawk an inel ang. A awmna group hi tun hma lam record nei ṭha leh medal la tawhte awmna a nih avangin medal lak phak a harsa deuh mai thei, beiseiawm lo erawh a ni bik lo.