Manipur an chungnung

Hero Women's National Football Championships-ah Manipur chuan final-ah Railways hnehin a vawi 21 nan an champion. EMS Corporation Stadium, Kozhikode-a inkhelah hun pangngaiah goal a lut lo a, penalty shootout-ah Manipur 2-1 in an vannei.

Football hmanga hmeichhe inelna hi a ṭum 26-na a ni a, Manipur an chungnung hle. Hmarchhak state hian ṭum 23 final lutin West Bengal leh Tamil Nadu lakah ṭum khat ve ve an vanduai tih loh chu an chak vek.

Chutihrualin Manipur hian nomawi chawi turin vanneihna an mamawh a, Mizoram hnehtu Railways lakah minute 120 chhungin goal an khung thei lo a, nomawi chawi turin penalty an mamawh.

Tun ṭum inelna hi Mizoram thlen san ber ṭum a ni a, a vawi khat nan semifinal an thleng. Mizoram hmeichhe team hian state dang an elphak tih an pholang a, Railways laka an chak lohna pawh penalty a ni.