Momota a inhnukdawk

BWF World Championship neih turah mipa singles champion lai Kento Momota a inlan thei dawn lo. Japanese star hi a hnungzâng na vangin a chawl mek a, tun kar tawp aṭanga tournament khelh chu a la thei dawn lo tihna a ni.

Kum 27 mi Momota chuan, "A pawi ka ti takzet, min ṭantute tana ka inkhel thei lo tur hi ka rilru pawh a hrehawm. Mahse, hun rei zawk ka inkhelh theih tan tunah chuan chawlh ka mamawh," a ti a, season tharah ṭha zawka lo kir leh theih a beisei thu a sawi bawk.

World Championship an neih hnuhnung ber chu 2019 daih tawh kha a ni, 2020 khan hripui leng vanga khelh theih a nih loh bakah Olympic kum a ni bawk; Olympic neih kumah World Championship neih a ni ngai lo, kumin erawh Olympic neih hun pangngai a ni loh avangin an neih thuah dawn.