Holy Trinity Edwards, Klopp & Gordon

Liverpool-ah mi langsar tak pathum an awm a, 'Holy Trinity' tiin fan-te chuan hming lem an pe hial - coach Jurgen Klopp, sporting director Michael Edwards leh Liverpool-a share ngah pahnihna Mike Gordon-te an ni. 

Gordon hi Liverpool enkawltu Fenway Sports Group-ah President a ni a, club  principal owner John W Henry leh chairman Tom Werner-ten a chuangah rinna an nghat sang hle. FSG President hian player lakluh, contract ziah thar leh academy-a coach lakluh thlengin thuneihna a nei a, mahse thutlukna hi Klopp leh Edwards hriatpuina lo chuan a siam ngai lo. 

Gordon hi Anfield stadium ti zau tura pound maktaduai 60 senna tur leh training ground thar atana pound maktaduai 50 sen tura thutlukna tawp siamtu a ni a, fak a hlawh telna pakhat chu football a hre tel tlat hi a ni!

Klopp leh Edwards-te thlawp hi a hna berah a nei a, an pathum hian nitinin WhatsApp lamah an titi ṭhin. Edwards hian 2011 khan Liverpool hi  head of analytics niin a zawm a, November 2016 khan sporting director a 

ni bawk. 

Mipui hmuhah a in pholang tam duh lo a, media a hmachhawn tam loh hian Klopp leh Gordon-te a pui zawkah a inngai ṭhin - a hnuaiah staff hran ṭhah a nei a, December-a Klopp-a'n kum 2024 thleng atana contract thar a ziah khan Edwards hi tun dinhmuna Liverpool thlen theih chhan a nih thu a sawi. Kum 2017-a midfielder Philippe Coutinho-a'n Liverpool chhuahsan a duh thu a sawi khan Liverpool 'Holy Trinity' hi an inrawn nghal vat a, January 2018-a Coutinho chhuahtir a, a hmunruak luah tur lak loh kha an pathum thutlukna hi niin sawi a ni.

 

Liverpool hian Coutinho hmun ruak luah tur ngawr ngawr lak aiin tlarhnung pawp lai thuam ṭhat chu thupuiah an nei a, Van Dijk chu pound maktaduai 75-in an lalut a, July 2018-ah Brazil goalkeeper Alisson chu AS Roma aṭangin pound maktaduai 66.8-in an lalut bawk. Holy Trinity-te thutlukna fuhzia min hrilhtu chu player pahnih an neih belh hnua Liverpool nomawi hunna bawma champion nomawi intlar te chu an ni e.