LB Associates an champion

Mizoram Basketball Association Inter District Tournament 2021-ah Aizawl club LB Associates chuan final hmuhnawm takah BC Bethlehem 72 - 60 a hnehin an champion.

LB Associates, Bungkawn forward T. Lalhriatzela chu Most Valuable Player atan thlan a ni a, Most Promising Player-ah Michael Lalrinzuala (Serchhip) chu thlan niin Silver Mount Rising Baller-ah Laldinpuia (Net Ripperz) an thlang.

Chanmari Hall, Lungleia inelnaah hian District pathum Aizawl (3), Lunglei (3) leh Serchhip (1) aṭangin team sarih an tel a, group hnihah ṭhen an ni.

LB Associates hian an match hmasa berah Lunglei club Net Ripperz 65-47 in an hneh a, match hnihnaah Lunglei club tho Chanmari 70 - 60 a hneh lehin semifinal an lut.

Final lut turin LB Associates hian Ramhlun Sporting Club 75-63 in an hneh a, nomawi an chawi theih nan BC Bethlehem 70-60 in an hneh leh bawk.