Rangnick-a'n Greenwood tan hmachhawp a nei

Manchester United manager Ralf Rangnick chuan Mason Greenwood chu club innghahna a nih theih thu a sawi a, kum 20 mi English forward hian Champions League-a Young Boys nen an inhnehtawk ṭumin goal hmahruai a khung.

Rangnick chuan, "A ke dinglam leh vei lam, a ball control bakah ṭhiante ball pek a thiam. A kum aṭanga thlir chuan player ṭha tak a ni a, hmasawnna tur pawh a la ngah a, chu chu ka hna a ni. A taksa tih chak a mamawh a, hma a sawn zel thei a nih chuan club rinrawl a ni thei ang," tiin a sawi.

Man United hian Young Boys an hmachhawn ṭumin Crystal Palace hnehtu player 11 a thlak vek a, hemi a nih avang hian zanin dar 11:00-a Norwich City an hmachhawn tur atan hian training vawi thum an nei hman dawn.

Palace an hmachhawn hma khan ṭum khat chiah training an nei a, ball changlet tura khingpuite pressure an pek danah hmasawnna hmuh tur a awm. Carrow Road-a Norwich an hmachhawn hunah hmasawnna thar a awm em, tih chu inkhel ngainatute thlir tur a ni.