Zing dar 10 chu dar 10!

Klopp-a'n a player-te nel loh nih a hlau em em a, fan-te nen inpawhna a awm lo ang tih a hlau bawk - mahse khauh a ṭul hunah erawh pa tawh khirh ber a ni a, a thutlukna a sawh sawn tawh ngai lo. 

Zing dar 10:00-ah training ṭan tur a nih chuan minute khat pawh tlai a thiang lo a, a theihna zawng zawng club tan a hlan. Amah ngeiin, "Ka naute tan 100% ka nun hi ka hmang a ni," a ti! Klopp hian thil tenau bera ngaih thlengin a zirchiang peih a, football game ṭhang zel milin a kal a, khelmual pawn lam thleng pawhin a zirchiang peih. Training ground chu danglamna thlenna hmun a ni e, a ti a, training-ah a rilru zawng zawng a seng ṭhin. Inkhelh hmain thil tenau ber thlengin a khawm vek a, a mamawh tur chinah a thlifim leh ṭhin - hei hian huaisen taka thutlukna siam hunah a pui ṭhin niin an sawi a, Liverpool hlawhtlinna bulpui a ni.