F1 intlansiak pariat an tichiang

Tun kar tawp hian Formual 1 season thar chu tlan ṭan tum a ni a, tuna an ruahman dan chuan intlansiak hmasa pariat chu Europe khawmualpuiah vek neih a ni ang - inelna hi 15-18 vel neih theih beisei a la ni.

Austria leh Britain-ah inelna pahnih ve ve an nei dawn a, heng bakah hian Hungary, Spain, Belgium leh Italy-ah te an tlan chhunzawm ang. Covid-19 vangin Australia, Netherlands, Monaco, France, Azerbaijan, Singapore, Japan-ah te chuan kumin chhungin inelna a awm dawn lo.

China, Canada, Vietnam, Russia, Mexico, United States, Brazil, Bahrain leh Abu Dhabi te chuan inelna thlen theih an la beisei mek a, amaherawhchu engtik hunah nge intlansiak an thlen theih dawn tih sawi theih a la ni lo thung.