India leh China an inkhel dawn

All India Football Federation chuan India leh China ten friendly match an khelh tur thu an tichiang a, ram pahnih hi October 2018-ah an inkhel dawn a, a ni tak erawh tihchian a la ni lo.

AIFF general secretary Kushal Das chuan, "China leh India hi football sumdawnnaah pawh a ṭhang chak ber pawl kan ni a, Chinese FA nena hun rei tak kan indawr tawhna kan hlawhtlintir thei hi ka lawm takzet a ni.

"China nena kan inkhelh ngei theih nana hma latu zingah FSDL chungah lawmthu kan sawi takmeuh a ni," a ti a, Indian Super League enkawltu Football Sports Development Ltd. a fak.

India coach Stephen Constantine chuan, "Asian Cup tur atana inbuatsaihna hi rilruah a awm reng a, coach tan chuan chumi atana China lo hmachhawn tluka ṭha a awm chuang lo," tiin a sawi.