Singapore-ah Indian shuttler che chhia

Badminton inelna pakhat Singapore Open khelh mekah India team an che fuh lo hle a, Ningani khan medal hlawh chhuak tura beisei Sourabh Verma pawh a chak lo nghal.

Indian tlangval Verma hi Vietnam mi Tien Minh Nguyen nen minute 56 an inkhelh hnuin 21-18, 15-21, 11-21 in a chak lo. Hmeichhe singles second round inkhelah Rituparna Das pawh Indonesia nula Yulia Yosephin Susanto lakah 21-15, 13-21, 16-21 in a chak lo bawk.

Mixed doubles pair Satwiksairaj Rankireddy leh Ashwini Ponappa te chu 21-14, 16-21, 21-14 in seeded pasarihna Lee Chun Hei Reginald leh Chau Hoi Wah te ṭangdun lakah an chak lo bawk a ni. Mipa doubles duo Satwiksairaj Rankireddy leh Chirag Shetty te pawh seeded pahnihna Ou Xuanyi leh Xiangyu Ren te lakah 17-21, 18-21 in an chak lo.