Lloyd Futsal Tournament an hlut

Mizoram Football Association-in an buatsaih Lloyd Futsal Tournament chu July 19, Ningani aṭangin Lammualah khelh ṭan a ni a, zan hmasa ber aṭangin lawm a hlawh hle.

Inelna hi category pathumah ṭhendarh a ni a, league sang ber Lloyd MFA Futsal League Club inelnaah ISL player Jerry Mawihmingthanga, Isaac Vanmalsawma, Robert Lalthlamuana leh tualchhung player langsar tak tak an inlan.

Llyod Futsal Division One Tournament-ah pawh team an ṭhahnem a; ISL, I League leh MPL player an awm a. Football-a hmabak nei êng tak tak an awm rualin tun ṭum futsal hi an thlen san ber tih theih tur an awm nawk bawk.

Veteran inelnaah hian tun hmaa player ṭha an awm nual a, he category-ah hian team 12 telin group paliah team pathum zela ṭhendarh an ni a, a sang ber zelin semifinal an khel dawn.

Zanin hian Lloyd Futsal Tournament hi Lammualah khelh chhunzawm a ni ang a, Futsal Division One club ten Round of 32 an khel ang.