Paes tlak niah Ramanathan a tlang

India tlangval tennis khel thiam Ramkumar Ramanathan chuan Vasek Pospisil hnehin Hall of Fame Open grasscourt tournament-ah semifinal a lut a, atana ATP semi­final hmasa ber a nih laiin Leander Paes erawh doubles lama a zinkawng a tawp thung.

Ningani zan New­port-a inkhelah kum 23 mi Ramanathan hian darkar khat leh minute 18 chhungin Pospisil lakah 7-5, 6-2 in hnehna a chang, world number 161 hian final lut tur chuan American tlangval Tim Smyczek a hneh leh a ngai dawn a ni.

Chennai star Ramana­than-a'n nikum Antalya Open-ah world number 8 Dominic Thiem pawh a lo hneh tawh a, amahah theihna sang tak a awm. Tun ṭumah hian aces vawi nga a siam bakah break point vawi thum a hmuh chu a chawr ṭangkai thei.

Doubles lamah senior player Paes erawh a ṭanpui Jamie Cerretani nen Jeevan Nedunchezhiyan leh Austin Crajicek te lakah 3-6, 6-7 (3) in an tlawm. Jeevan leh Austin te hian an match hmasa lamah seeded pakhatna Nicholas Monroe leh John-Patrick Smith te an lo hneh tawh bawk.