BAI-in training neih a tum

Badminton Association of India (BAI) chuan July thla chhung hian player-te tan training buatsaih a tum a, training neih an tumna Telangana sorkarin an remtih chuan inbuatsaihna hi an kalpui nghal ang.

Thla hmasa khan Sports Authority of India (SAI) chuan Prakash Padukone Badminton Academy (PPBA), Bengaluru-ah player ṭhenkhat chu training neih a lo phalsak tawh. Hyderabad-ah erawh nimin thleng khan training hi an la 

nei thei lo.

BAI secretary Ajay Singhania chuan, "Covid-19 vangin harsatna hrang hrang kan tawk ve a, tunah chuan kan hma hun pawh a eng zawngin kan thlir ve leh thei ṭan ta. State sorkar lam pawhin kan duh leh beisei hi min tih hlawhtlinsak ka ring," a ti.

March thlaa neih tur Badminton Senior National Championship 2020 chu hripui leng vang khan a hun pangngaiah neih theih a ni lo. BAI chuan inelna neih hun tur hi la sawi chiang thei lo mah se kuminah chuan neih theih ngei an la tum.