Poirier-a tlawm

UFC 269-ah Dustin Poirier chuan UFC lightweight title hlawhchhuah beisei mah se Charles Oliveira lakah a tlawm a, Brazilian fighter Oliveira hian round thumnaah submission (rear-naked choke) hmangin hnehna a chang a ni.

Vawi 41 fight a hmachhawna a vawi 32 nana chak Oliveira chuan, "World champion ka ni a, mipa diktak chu ka ni. An duh duh an sawi a, kei chuan thiltihin ka lantir ṭhin," a ti a, Poirier-a'n a tirah attack viau mah se champion lai hneh turin a tawk zo lo.

Hmeichhe fight hmuhnawmah Julianna Pena chuan weight division hnih champion Amanda Nunes hnehin khawvel a barakhaih a, round hnihna lekah submission (rear-naked choke) hmangin a chak.

Kum 32 mi Pena-i'n vawi 12 zet a zawna chak tawh Nunes a barakhaih a, UFC Women's bantamweight title a hlawh chhuak - Nunes hian featherweight title erawh a la kawl tho.