MTB Winter Challenge 2021

Inrinni khan Mizoram Cycling Asso-ciation (MiCA) chuan Sakawrhmuituai tlang behchhanin MTB Winter Challenge 2021 a buatsaih.

Cross Country inelna Gosen veng aṭanga Sakawrhmuituai tlang, 12km a thui intlansiakah Mesak Vanlalvena chu a chak ber. Downhill inelna - 1.5km a thui intlansiakah C. Lalhriatdika chu pakhatna a ni thung.

Mi 13 inelna cross country inelnaah hian Tour de Hmuifang a pakhatna lo ni tawh, Sihfa tlangval Mesak hi midang aiin minute thum chuang zetin a thleng hma a, minute 38:41 chhungin a tlan thleng. Pahnihna Laldintluanga chu minute 41:03-ah thlengin, pathumna Mark Zoliansanga chu minute 41:42-ah a thleng thung a ni.

Kawng chhia leh chhuk tlan inelna Down-hill competition-ah C. Lalhriatdika chu pakhatna niin minute 2:47-ah a thleng a, a hnungah hian Vanlalruata (2:53) leh Alan R. Romawia (3:02) te an thleng thung.