Tlai dar 4:30-ah UCL draw

UEFA Champions League last 16-a inkhel tur chu vawiin tlai dar 4:30 hian Nyon, Switzerland-ah pawh a ni dawn. Team 16 zingah mahni group ṭheuha pakhatna ni theite chu Ajax, Bayern Munich, Juventus, Liverpool, Lille, Manchester City, Manchester United leh Real Madrid te an ni.

Pahnihna nichunga last 16 lutte chu Atletico Madrid, Benfica, Chelsea, Inter Milan, Paris Saint-Germain, Salzburg, Sporting Liston leh Villarreal te an ni. Last 16-ah hian group hmahruaitu leh pahnihna an inkhel dawn a, chutihrualin ram khat club an inhmachhawn theih loh bakah group khata awm team an inkhel thei lo tih hriat a ṭha.

Chelsea-in group match hnuhnung bera Zenit nen an inhnehtawk avangin pahnihnaah an awm a, English club leh Juventus an hmachhawn theih dawn loh avangin Ajax, Bayern Munich, Lille leh Real Madrid te zinga tu emaw ber an hmachhawn ang.

Last 16 first leg hi February 2022-ah khelh a ni ang a, second leg hi March 2021-ah khelh a ni ang. March 18, 2022-ah quarterfinal inkhel tur pawh leh tur a ni a, semifinal leh final thlenga an inkhelh dan tur a hriat nghal bawk ang.