Taekwondo belt exam an nei

Mizoram Amateur Taekwondo Association buatsaih 3rd Session Colour Belt Exam chu, Inrinni khan Electric Veng YMA Hall leh MATA Hall-ah buatsaih niin, club pakua aṭangin Taekwondo zirlai 129 in exam ṭha takin an paltlang.

Belt exam-ah hian physical fitness, basic technique, hand & leg technique, poomsae, self defence, sparring, breaking, speed endurance te an exam.

Kumin atana colour belt exam session hnuhnung ber hi December 4 khan Mizoram pum tan exam ṭan a ni. Aizawl bakah Kolasib-ah exam neih tawh niin, tun karah hian Lunglei, Mamit, Serchhip leh Lawngtlaiah te exam hi buatsaih a ni bawk ang.