Highlander an tlawm leh tawh

NorthEast United-in 2-1 a FC Goa an hneh hnua an match hmasa berah Odisha FC chu 1-0 in an ngam lo nghal a, Jonathas chuan minute 81-naah inkhela goal awmchhun hi a khung.

Odisha tan Lalruat-thara, Isaac Vanmalsawma leh Daniel Lalhlimpuia ten inkhel bul an ṭan a, bench aṭangin Paul Ramfangzauva leh Jerry Mawihmingthanga te an lut thung - Highlander lamah Rochharzela'n bul ṭanin Lalkhawpuimawia chu bench aṭanga luhtir a ni.

Inrinni zan khan ATK Mohun Bagan leh Chennaiyin chu 1-1 in an inhnehtawk a, Bagan tana Liston Colaco-a goal hmahruai chu Chennai club tan Vladimir Koman chuan a chhanglet - Chennaiyin tan Jerry Lalrinzuala leh Lallianzuala Chhangte te chu minute 90 an khel tluan.

Bengaluru chu FC Goa lakah 2-1 in an tlawm leh ta - Bengaluru player Ashique Kuruniyan-a 'own goal' chu Cleiton Silva chuan sut mah se Devendra Murgaonkar chuan chakna goal a khung - minute 55-naah Goa forward Jorge Ortiz an hnawt chhuak mah mah!

Bagan keeper Amrinder Singh leh Bengaluru captain Sunil Chhetri-ten ISL-a an match 100-na an khel ve ve a, mahse, an chak zo ta lo.

December 10, Zirtawpni Zan
Odisha 1 - 0 NorthEast United
ODI: Jonathas 81'

December 11, Inrinni Zan
ATK Mohun Bagan 1 - 1 Chennaiyin
AMB: Liston Colaco 18'
CHE: Vladimir Koman 45'

FC Goa 2 - 1 Bengaluru
FCG: Ashique Kuruniyan 16' (OG); Devendra Murgaonkar 70'
BEN: Cleiton Silva 45'

Zanin Inkhel Tur
Hyderabad FC 7:30 PM NorthEast United