Mizoram Football Association lawmthu sawina

Mizoram Football Asso-ciation chuan hun rei tak chhung Covid-19 avanga football kalpui theih a nih loh hnuah tun hnaiah football inelna leh football thil hrang hrang a kalpui leh thei ta a, chumi kawngah chuan mi hrang hrang puihna a dawn avangin MFA chu a lawm takzet a ni.

Women's Team
Hero Senior National Women's Football cham-pionship, Kerala-a November 28- December 9, 2021 chhunga khelh zawh takah Mizoram chuan a vawi khatna atan Semi Final a thleng a, he inelna atana inbuatsaihna hrang hrangah MFA chuan puitu ṭha tak tak a nei.

NEIDA (Tata Trusts) chuan team inbuatsaihna kawngah nasa takin MFA a pui a, ei tur tui leh ṭha, football bungrua leh player-te mamawh ṭhahnem tham tak a pek avangin an chungah MFA a lawm takzet a ni.

Women's team-te kalna tur rel ticket buaipuisaktu Rajya Sahba MP K Vanlalvena leh Robert Rohmingliana, Mark Advertising chungah MFA chu a lawm hle.

Player-te kalna tur rel an cancel thut avanga inkhelh hun nang hman lo thei dinhmuna an dinlaia thlawhtheihnaa an thlawhna tura sum leh pai ṭhahnem tak petu Sports & Youth Services Minister Robert Romawia Royte, Joseph Construction neitupa K Lalthanzama leh pawisa thawh khawmtu football hruaitute chungah MFA chuan lawmthu a sawi.

Player-te ei leh in lama an intihchakna tura nutrition ṭha petu Essen Foodies India Pvt Ltd chungah MFA chuan lawmthu a sawi a; player jersey tumsaktu Nivia chungah lawmthu a sawi bawk.

Covid-19 avanga kan buai vanglai taka hun harsa taka player-te zin chhuah phalsaktu an nu leh pate chungah MFA a lawm em em a, player-te riahna tur hmun remchang siamsaktu Assam Rifles leh Aizawl High School-te chungah MFA chuan lawmthu a sawi bawk a ni.

Mizoram hmeichhe football-in a la tawn ngai loh tawngin India rama a thiam pali zingah an tel ve ta hi MFA chu a lawm a, player leh coaching staff zawng zawng chungah lawmthu a sawi.

Santosh Trophy
Santosh Trophy North East Zone Qualifier, November 28-December 2, 2021 chhunga Imphal, Manipur-a khelh zawh tak chungchangah an inbuatsaihna Mizoram team ṭanpuitu mi ṭhahnem tak an awm.

An inbuatsaih chhung zawnga duhsak taka ei leh in, training equipment, training shirt petute leh thil danga puitu (mimal hming lam sen a ni lo) chungah MFA a lawm hle a; Imphal an panna kawnga ei tur tui hnai tak lo petu Ngopa-a football hruaitute leh Village Council chungah MFA chu a lawm takzet a ni.

Hripui len vanglai taka Mizoram tana an fate inkhelh phalsaktu nu leh pate chungah MFA chu a lawm a, jersey tumsaktu Nivia chungah lawmthu a sawi bawk.

Santosh Trophy inbuatsaihna hi a hautak tham hle a, chumi kawnga puitu sorkar leh MSSC chungah pawh MFA a lawm hle a ni.

Kan beisei ang result nei ta lo mah ila he inbuatsaihna ṭha tak hian player ṭha a chher chhuah zel MFA chuan a beisei a ni.

C Licence Course:
December 10-16, 2021 chhung hian AFC C License Coaching Course chu Regional Sports Centre, Saidan, Kolasib-ah neih mêk a ni. He hun kan hman theihna tura hmunhmate phal taka min hmantirtu Sports & Youth Services Department chungah MFA chu a lawm takzet a; a ṭul zawng zawng thawka ṭha taka lo thlengtu Kolasib District Football Association chungah MFA a lawm em em bawk a, Mizo hlangin coaching course an kal theihna tura an tih ṭhan piah lama Mizo tana seat hauhsaktu AIFF chungah MFA chuan lawmthu a sawi bawk a ni.

Coach education atana MFA thawhpui Mizoram Youth Commission chungah MFA chuan lawmthu a sawi a ni. MFA thu leh hla hrang hrang puanzarsaktu print media, electronic media leh social media platform hrang hrang enkawltute chungah MFA chuan lawmthu a sawi takzet a ni.

MFA Special General Body Meeting-in a lo rel tawh angin kum 2022-ah hian MFA chuan a pangngaia inkhelh kalpui chhunzawm turin ruahmanna a siam a, hripui leng a ziaawma football leh futsal khelh chhunzawm theih a nih chuan Mizo mipuite thlawpna leh thawhpuina MFA chuan a sawm takzet a ni.

- Issued by Information and Publicity Committee, Mizoram Football Association