Lakers chakna James

LeBron James a khelh ṭhat chuan Los Angeles Lakers tan pawh thil a awlsam phah ṭhin. Lakers thiampuipa hian Orlando Magic lakah triple double neiin, nimin zing khan a team hi 106-94 in hnehna a chanpui.

NBA regular season kal laiah Lakers hi an che fuh rei hleithei lo. Hliam leh hrem vanga James a awm loh lai phei chuan an tan a harsa ṭhin. Tun ṭumah chuan James-a'n point 30 a neih bakah assist vawi 10 neiin rebound ṭum 11 a la bawk.

Inkhel dangah Kevin Durrant chu Brooklyn Nets chakna hnar a ni ve vawk. Durant hian point 51 zet a nei a, season kal laiah match khata point a neih hnem ber ṭum niin Nets hi Detroit Pistons lakah 116-104 in hnehna a chanpui.

NBA Results
Los Angeles Lakers 106 - 94 Orlando Magic
Brooklyn Nets 116 - 104 Detroit Pistons
Milwaukee Bucks 112 - 97 New York Knicks
Minnesota Timberwolves 116 - 111 Portland Trail Blazers