Infiammite tana lehkhabu ṭha 'Champion Thuruk' an tlangzarh

H. Thangchungnunga lehkhabu ziah Champion Thuruk 'Evidence Based Practices in Sports Training' chu nimin khan Aijal Club-ah Revd Dr. Chuauṭhuama'n a tlangzarh.

Champion Thurukah hian infiamna pakhat chauh hrut loin infiammna hrang hrang training neih dan tur ziah lan a ni a, stretching leh exercise lak dan bakah fitness teh dan thlengin a kim hle.

Warm up, cool down, hliam enkawl dan bakah champion rilru put dan thlenga ziah a ni a, lehkhabu pakhatah infiammite mamawh dah khawm a ni ber.

Taksa sawizawi dan hrang hrang a awm avangin infiammi chauh ni loin hriselna ngai pawimawh tan chuan lei ngei chi a ni a, hetiang lehkhabu ṭha Mizo ṭawng ngeia a awm hi a lawmawm takzet a ni.

'Champion Thuruk' hi Rs 500 man a ni a, lehkhabu dawr hrang hrangah lei theihin a awm ang.