Cadiz leh Granada inhnehtawk

Spanish La Liga-ah Thawhṭanni zan khan inkhel pakhat a awm a, tlak hlau pahnih inkhelah Cadiz leh Granada chu 1-1 in an inhnehtawk.

Cadiz tan Santiago Arzamendia chuan minute 32-naah goal hmahruai a khung a, hei hi an chakpui mai dawna a lan laiin mikhual Granada an tlawm duh bik lo.

Hun tawp nan minute hnih chiah a awm tawh tihah veteran forward Jorge Molina chuan si phurh a rawn sut a, Cadiz tan hmahruai leh turin hunin a daih tawh loh avangin point khata lungawi an zir.

Cadiz winger Salvi chu hun pek belhah hnawhchhuah a ni a, goal khungtu Arzamendia pawh minute 45-naah hliam vangin lakchhuah a ngai a, a tira hmahruaitu team tan an tawp khar dan hi a duhawm lo hle.

Granada tana goal khungtu Molina lam hmaih a thiang lo - kum 39 lai ni tawh mah se tun season inelna hrang hrangah match 14 khelin goal li a khung der tawh a, assist vawi khat a nei bawk. Season hmasa khan match 51-ah goal 15 khungin assist vawi nga a la nei thei.