Grace leh Hriati telna India U17 Hmeichhe team an tlawm

BRICS Under-17 Football Tournament-ah India chuan hneh tawng loin inelna an khar a, nimin khan an match hnuhnung berah 1-2 in China an ngam lo.

Johannesburg, South Africa-a inelna neihah hian Mizo nula Vanlalhriattiri leh Grace Lalrampari te chu squad-ah awmin match li an khelhah an inlan kim vek a, India erawh an chakpui thei lo.

India hian an match hmasa berah inelna thlengtu South Africa chu 1-5 ngawtin an ngam lo a, India goal neichhun hi Tlungvel nula Vanlalhriattiri khung a ni. South Africa leh Russia laka an tlawm hnuin India hi Brazil lakah 0-5 in an tlawm leh a, match tawp berah China an ngam leh ta lo a ni.

India team chak lohna tam ṭhin mah se 'vanduai' anga chhiar theih an ni. South Africa nena match hmasa berah pawh 1-1 a in draw reng hnuin second half-ah an tawlhthlu a, goal li an chhuah belh. Russia leh China lakah hmahruaina goal khung ve ve chungin an inlehthal tir bawk.

BRICS hi national economy ṭhangduang Brazil, Russia, India, China leh South Africa intelkhawm pawl an ni a, inṭhian ṭhat nan age level inelna football kaltlangin an lo buatsaih tawh ṭhin.