Tennis Hall of Fame-ah Michael Stich leh Helena Sukova

Tennis hranghlui Michael Stich leh Helena Sukova te chu Inrinni khan International Tennis Hall of Fame-ah lakluh an ni.

Wimbledon champion hlui Stich chuan an dinhmun tawn chu ropui a tih thu a sawi a, a rual hian Grand Slam doubles title 14 ngawt latu Czech Republic star Helena Sukova pawhin hun duhawm an tawn thu a sawi ve bawk.

Kum 49 mi Stich chuan, "Kum 18 mi ka nih thleng khan football leh tennis ka khel kawp a, player dang 10 nena khelmuala inthurual a ngai tur kha ka huphurh avangin tennis khelh zui ka thlang ta zawk," tiin tennis a thlan chhan a sawi a, thutlukna a siam sual lo. A tawn san lai ber 1993 November thla khan world number 2 a ni phak hial a ni.

Sukova pawh kum 53 mi a ni tawh a, singles huangah chuan Australian Open final vawi hnih leh US Open final vawi khat a khel, doubles huangah erawh major tournament paliah a champion kim thung.