Kum 53 hnuah India tan gold

Asia Junior Badminton Championship khelh zawh takah India rawlthar duhawm Lakshya Sen chuan nimin khan world number 1 Kunlavut Vitidsaran hnehin gold medal a vaw chhuak a, he inelna huangah hian India-in kum 53 hnua pakhatna dinhmun a luah lehna hmasa ber a ni.

Jakarta-a inkhelah Sen hian 21-19, 21-18 in hnehna a chang a, kum 16 mi chauh la ni mah se Indian badminton huangah chuan a mikhual tawh lo a, shuttler beiseiawm berte zinga mi a ni mek - tun dinhmunah world number 9 a ni mek.

2016 khan Sen-a'n bronze medal a lo la tawh a, tun ṭumah hian rinkai ber ni lo mah se khel ṭha ber chu a ni. Quarterfinal-ah seeded pahnihna Li Shifend a hneh hnuin semifinal-ah seeded palina Ikhsan Rumbay a hneh leh bawk a ni.

Asia Junior Badminton Championship-ah hian mipa singles bikah India hian hlawhtlinna a chang lo rei vang vang hle, 1956 khan Gautam Thakkar chuan gold medal a lo hlawh chhuak tawh, silver leh bronze medal hlawh chhuak thei chu awm mah se gold bikah chuan Sen-a hian sulhnu ṭha a nei leh chiah.