PSG lakah Bayern Munich chak

Bayern Munich chuan season thar inbuatsaihna atan International Champion's Cup an khel a, nimin khan an match hmasa berah Paris Saint-Germain chu 3-1 in an hneh - German champion hian an manager thar Niko Kovac enkawlna hnuaiah bul an ṭan fuh hle.

Bundesliga champion leh Ligue 1 roreltu pahnih hian World Cup awm kum a nih avangin an player ṭha leh langsar an la chhawr mumal thei lo a, chutihrualin manager thar Kovac leh Thomas Tuchel te kaihhruaina hnuaia khel an nih avangin mipui ngaihven a hlawh.

French club tan George Weah fapa Timothy Weah-a'n goal hma­hruai khung mah se, German club lian hian Javi Martinez, Renato San­ches leh Joshua Zirkzee te goal khat ṭheuh hmangin an chhang let a ni.

Bayern Munich hian Ninganiah Juventus an hmachhawn leh dawn a, Borussia Dortmund mana­ger hlui Tuchel enkawl PSG hian Inrinni zingah Arsenal an hma­chhawn thung ang.