Mizoram Lockdown (inkharkhip): Ni 101

Bundesliga season khata goal khung hnem ber team chu Bayern Munich an ni a, 1971-72 season khan league-ah goal 101 ngawt an khung! Bayern goal khung 101 zinga goal 40 ngawt chu Gerd Muller khung a ni a, German legend hian heti zat goal khung tur hian league match 34 khelh bak a a mamawh lo!

Gerd Muller hian inelna hrang hrangah match 48 khelin goal 50 a khung a, Bundesliga nomawi an chawi tih loh chu hemi season-ah hian nomawi chawi dang erawh an nei lo. Bayern hi season tluanin match thumah chiah an tlawm a, Eintracht Frankfurt, FC Schalke 04 leh MSV Duisburg lakah an tlawm tih loh chu tlawm nei loin season an hmang tluan. DFB-Pokal lamah quarterfinal lutin 1. FC Cologne an ngam lo a, UEFA Cup Winners' Cup semifinal lut mah se Rangers ngam loin an tlawm bawk.