Singapore Open champion Tien-chen

Pathianni zan khan Taiwanese badminton star Chou Tien-chen chuan a hnam pui Hsu Jen-hao lakah 21-13, 21-13 a hnehna changin Singapore Open men’s singles title a la.

World number 7 Tien-chen hian service a nei ṭha a, a che rangin a vaw na hle bawk - game hmasa la turin harsatna a nei lo. Game hnuhnung zawkah erawh 8-4 in a hnufual thung. Mahse, Tien-chen hian hnehna chang turin a zawnin point sarih gawt a hmu zawk thei a, a khingpui tan insiamṭhatna hun a siamsak tawh lo.

Kum 28 mi Tien-chen hian May thla khan German Open nomawi a la tawh bawk a, inelna lian an hamchhawn leh tur World Championship-ah pawh player hmachhawn chakawm loh zingah a tel phak ang.

Hmeichhe singles lamah seeded pangana Sayaka Takahashi chuan tun season chhunga a title pathumna la turin Gao Fangjie chu 25-23, 21-14 in a hneh. Kum 25 mi hian sea­son tir lam khan Swiss Open leh New Zealand Open nomawi a lo chawi tawh a ni.