Ramanathan a chak lo
Leander Paes hnuah Indian tennis star zingah ATP title la thei an la awm leh lo a, he record duhawm lo tak mai hi Ramkumar Ramanathan-a'n thai reh tum mah se ala thei bik lo.
Pathianni zan khan Newport, USA-ah ATP Tour grasscourt event khelh zawh niin final-ah Ramanathan hi Steve Johnson lakah 7-5, 3-6, 6-2 in a chak lo. Seeded pahnihna Johnson hian hnehna chang turin darkar khat leh minute 59 a mamawh a, ATP title pali a lakna chiah niin, heng zinga pahnih chu tun season chhunga a vuak chhuah an ni.
2011 khan Somdev Devvarman chuan Johannesburg-ah final lutin South African star Kevin Anderson a hneh lo, Somdev hnuah chuan Ramanathan hi singles huanga final lut leh thei hmasa ber a ni - Paes anga nomawi chawi tur erawh chuan hun dang a nghah leh rih a ngai.
World number 161 Johannesburg chuan, "Vawi 10 aces ka siam thei a, hmasawnna tur la ngah viau mah ila ka thlen chin hi a lawmawm ka ti. Huaisen takin ka bei zel dawn a, hlawhtlinna ka chan hma loh chuan beidawng loin hma lamah ka kal zel ang," tiin a sawi.