LDFA Super Cup 2018

Lunglei District FA hnuaia inelna ngaihhlut pakhat LDFA Super Cup 2018 chu a hmawr bawk a hnai tawh a, vawiin hian Ṭhuamluaia Mualah semifinal match hnih khelh a ni ang.

Inkhel hmasa zawk hi chhun dar 12:00-ah ṭan tur niin, Chanmari FC leh Pukpui FC an intawng ang. Pukpui hian quarterfinal-ah SYS Football Academy chu hun pangngaia goal a luh loh hnuah penalty shoot out hmangin 4-2 in an hneh. Chanmari hian Laldampuia goal khat hmangin Lunglei FC an hneh thung.

Tlai dar 2:00-ah match hnihna khelh zui leh tur niin, team ṭha College Veng 2-1 a hnehtu Rahsiveng leh Ramthar FC te an intawng ang. Semifinal lut turin Ramthar hian an match hmasa zawkah J. Lalduhawma goal hmangin Zotlang chu 1-0 in an hneh ve bawk a ni.