Sanchez hoin United chak zo lo

USA-a tour nei mek Manchester United chuan goal khung loin San Jose Earthquakes an inhnehtawkpui a, visa buai avanga USA pan lawk thei lo Alexis Sanchez inlan mahse Chilean forward-in goal a keng tel bik lo.

United tan hian World Cup khel chau Paul Pogba, Romelu Lukaku, Jesse Lingard leh Marcus Rashford te an la inlan thei lo a, hliam vangin captain Antonio Valencia chu lakchhuah a ngai bawk.

United boss Jose Mourinho chuan, "Valencia hi a inhliam a, mahse hei hi chu thil thleng ṭhin ve pangngai reng a ni," a ti a, a hliam nat dan a sawi lo.