Iniesta leh Torres chak lo nghal

Spain chhuahsana Japan lam pan Andres Iniesta leh Fernando Torres-te chu J League-a an match hmasa berah an chak lo nghal a, Torres-a khelhna Sagan Tosu phei hi chu tla thei dinhmunah an ding mek!

Barcelona tana nomawi 32 chawitu Iniesta inkhel en turin fans 26,000 zet an pungkhawm a, kum 34 mi midfielder hi minute 32-a la awm tihin luhtir ni mah se a club thar Vissel Kobe tan danglamna a thlen thei lo. Khelmuala luhtir a nih hian 2-0 in an tlawm mek a, a luh hnuah goal khat chhuah belhin 3-0 in an tlawm.

Spain tana vawi 131-a inlan hnua international football chawlhsantu Iniesta chuan, "A tlawm zawk nih ka duh ngai loh avangin kan result-ah hian ka lawm lo a, mahse hei hi a bul ṭanna chauh a ni," a ti.

Kum 34 mi Torres chu Tosu tan second half-ah luhtir ni mah se a team a chakpui zo bik lo a, hun tawp nan minute thum chauh a awm tawh tiha an goal chhuah avangin an tlawm.

Atletico Madrid tan match 404 a khelha goal 129 khungtu striker hian mipui 17,500 hmaah hmingṭhatna remchang nei mah se a hun ṭha neih chu a tauh chu dan sak a ni.