Morocco-ah Spanish Super Cup

Spanish La Liga leh Copa del Rey champion-in an khelh ṭhin Spanish Super Cup chu Morocco-ah khelh a ni dawn a, Spain nilo ram danga neih hmasak ber tur a ni ang.

Barcelona chuan season hmasa khan Spanish football-ah nomawi lian pahnih hi an chawi kawp a, Super Cup-ah hian Copa del Rey final-a an hneh tak Sevilla an hmachhawn dawn a ni.

Spanish football bikah chuan Super Cup-ah hian league leh cup-a champion kawp an awm a nih chuan cup inelnaa pahnihna khan Super Cup an khel ṭhin.

England-a league leh cup champion inelna Community Shield-ah erawh champion kawp team an awm chuan league-a pahnihnain Community Shield hi an khel ṭhin thung.

Barcelona hi Super Cup-ah season 10 chhung vawi kua an inlan tawh a, season hmasa Super Cup-ah khan Real Madrid chu 5-1 in inkhel pahnihn belhkhawmah an ngam lo.