IFA Shield ; Real Kashmir kum zawnin an champion

Nimin tlai khan East Bengal Ground, Kolkata-ah IFA Shield final khelh a ni a, Real Kashmir-in Sreenidi Deccan FC 2-1 a hnehin an champion.

IFA Shield hi vawi 124-na a ni a, season liam ta khan Kashmir club hi an champion tawh bawk. Kumin hian Snow Leopards hian Indian Arrows leh Calcutta Customs awmna group an paltlang hnuah Bhawanipore (2-1), Mohammedan (1-0), Gokulam Kerala (2-1) leh Sreenidi Deccan (2-1) te an hneh.

Final-ah hian Shreenidi tan David Monoz-a'n minute 29-naah a khung a, injury time-ah pawh minute thumnaah Fran Gonzalez hmangin Real Kashmir-in an sut hram. Extra time-ah Mason Robertson thawhṭhat zarah Shreenidi player Mohamed Awal-a'n an lamah a ti lut a, Snow Leopards kum zawnin an champion.

Champion team Real Kashmir-ah hian Lalchhawnkima, Sena Ralte leh Rohmingthanga Bawlte te an awm a, Sreenidi-ah hian Mizo pali MC Malsawmzuala, Lalromawia, Vanlalbiaa Chhangte leh Lalchung-nunga te an awm ve bawk.