FIFA FIFPRO World XI-ah Salah a tel lo!

FIFA FIFPRO World XI-a thlan theih tur player 23 thlanchhuah a ni a, Premier League player 10 zet telnaah Liverpool forward Mohamed Salah telh a ni lo. Ballon d'Or dawngtu Lionel Messi leh Cristiano Ronaldo te erawh an tel thung.

FIFPRO hi professional footballer intel khawm an ni a, World XI-a tel tur hi player thlan a ni. Player 11 thlanchhuah hi January 17, 2022-ah puan a ni ang.

Premier League club zingah season liam ta Champions League champion Chelsea-in player an thawh hnem ber a; Edouard Mendy, Jorginho, N'Golo Kante leh Romelu Lukaku te an tel. Liverpool aṭangin Salah tel lo mah se Liver-pool-in Alisson Becker leh Trent Alexander-Arnold te an thawh.

Alexander-Arnold chiah hi English player zinga thlan awmchhun a ni. Paris Saint-Germain-in player pali an thawh a, Euro 2020 best player Gianluigi Donnarumma bakah tlarhma pathum Kylian Mbappe, Lionel Messi, Neymar te an awm. Chutihrualin tlarhmaah player pathum thlan turah Robert Lewandowski hming a langsar.

Kum 17 hnua a vawi khat nan player 55 hming tar chhuak loin football squad pangngai ang deuhin player 23 tar chhuah hmasak a ni. Player ṭha 11-ah hian goalkeeper, defender pali bakah midielder leh forward pathum ve ve an awm ang.

Men's World XI shortlist
Goalkeepers: Alisson Becker (Liverpool), Gianluigi Donnarumma (AC Milan/PSG), Edouard Mendy (Chelsea)
Defenders: David Alaba (Bayern Munich/Real Madrid), Jordi Alba (Barcelona), Trent Alexander-Arnold (Liverpool), Dani Alves (Sao Paulo/Barcelona), Leonardo Bonucci (Juventus), Ruben Dias (Manchester City)
Midfielders: Sergio Busquets (Barcelona), Kevin De Bruyne (Manchester City), Bruno Fernandes (Manchester United), Frenkie de Jong (Barcelona), Jorginho (Chelsea), N'Golo Kante (Chelsea)
Forwards: Karim Benzema (Real Madrid), Cristiano Ronaldo (Juventus/Manchester United), Erling Haaland (Borus-sia Dortmund), Robert Lewandowski (Bayern Munich), Romelu Lukaku (Inter Milan/Chelsea), Kylian Mbappe (PSG), Lionel Messi (Barcelona/PSG), Neymar (PSG)