Uruguay coach thar Diego Alonso

World Cup champion hmasa ber Uruguay chuan an coach Oscar Tabarez thlaktu atan Diego Alonso an lakluh thu an puang. Uruguay hi Qatar World Cup khel phak lo thei dinhmunah an ding mek a, a hna a hautak dawn hle.

Tabarez-a'n kum 15 chhung zet Uruguay hi a enkawl a, team nghet ṭha tak pawh a din thei. Mahse, World Cup qualifier khelh laiah beisei an phak lo. South American ram 10 inel zingah pasarihna an ni mek, an player neih dan chhutin an dinhmun hi a lungawi thlak loh.

Uruguayan Football Association chu an coach chungah hian an dawhtheihna a tawp. Coach thar Alonso hoin chona thar an hmachhawn dawn tihna a ni a, qualifier khelh hmabak pali an la neih avangin Qatar panna ticket neih beiseina erawh a la sang angreng viau.

Inter Miami leh Monterrey enkawl tawhtu Diego Alonso contract rei zawng hi chiang taka tarlan a ni lo. Khawthlang media lamin an tarlan dan chuan, a rei lo berah pawh World Cup qualifier chhung atan chuan a nih a rinawm.