US-ah Spurs an inbuatsaih

Premier League khelh ṭan hun a hnai a, team tinin inbuatsaihna an nei ngawrh hle. Tottenham pawhin US, Los Angeles-ah training an nei mek. Spurs hian Nilainiah AS Roma nen International Champions Cup an khel ang.

Mauricio Pochettino naute hi an la kim thei lo, World Cup khel zingah South Korea forward Son Heung-Min leh Denmark midfielder Christian Eriksen ten team training an zawm tawh; English player Harry Kane, Dele Alli, Eric Dier, Kieran Trippier leh Danny Rose te bakah Hugo Lloris, Jan Vertonghen, Mousa Dembele leh Toby Alderweireld te erawh chawlh pek an la ni.

Season hmasa Premier League pathumna Spurs hian nipui bazar chhungin player thar an la lalut lo a, an player ṭha ṭhenkhatin training an la zawm theih loh bawk avangin season tir lam chu a awlsam lo mai thei–an league match hmasa ber atan August 11 zanah Newcastle an lenchilh ang.